პირადი მცველის უპირველეს მოვალეობას წარმოადგენს საფრთხეების თავიდან აცილება და განეიტრალება
როდესაც გადაწყვეტთ, რომ გესაჭიროებათ პირადი მცველი, მისი შერჩევისას უმჯობესია გაითვალისწინოთ ჯერ “ინტელექტუალური ტექნოლოგია”, შემდეგ კი “კუნთების ფაქტორი”.
უპირატესობა მიანიჭეთ იმ კანდიდატს ვინც გთავაზობთ საკითხის ოპტიმალურ გადაწყვეტას. ნამდვილ მცველს უნდა გააჩნდეს გამოცდილება და იცოდეს საკუთარი თავის ფასი, ამასთანავე გამორიცხეთ ამპარტავნები, არაკონტაქტურები, ავანტურისტები.
იმისათვის რომ თავდანსხმელმა ვერ მოახერხოს პირადი მცველის გაშიფრვა, ის არ უნდა გამოირჩეოდეს გარემოცვისგან, არ უნდა იყოს თვალშისაცემი.
კარგი მცველი უნდა იყოს:
განათლებული: ადეკვატური გარეგნობა, უცხო ენების ცოდნა. განათლება ხელს შეუწყობს სრულად შეიცნოს შეფის რისკების მთლიანი სპექტრი, არ ექნება პრობლემები სხვადასხვა მიღებების დროს, რესპექტაბელურ რესტორნებში და სასტუმროებში. დახვეწილი მანერები, ტანსაცმელი და ქცევის წესები დაეხმარება შეერწყას და “უხილავი” გახდეს ბოროტმოქმედისათვის. უცხო ენის ცოდნა დასდაუდებელ სამსახურს გაუწევს უცხო ქვეყანაში კონფლიქტური სიტუაციების და საფრთხეების ნეიტრალიზაციაში.
დისციპლინირის მოყვარული: პირადი მცველის საქმიანობა ხშირად ხდება მოსაწყენი; დიდხანს უნდა ელოდოს შეფს, საათობით უყუროს ერთსა და იგივე სექტორს. ტერორისტი ყოველთვის ეძებს იმ მომენტს როდესაც მცველი თუნდაც მცირე ხნით ტოვებს დასაცავ პირს. (ტუალეტი, ტელეფონზე დარეკვა, ბუფეტი და ა.შ.)
უნივერსალური: პირად მცველი ზემოაღნიშნულთან ერთად საჭიროებს კარგ ფიზიკურ მომზადებას, უნდა შეეძლოს სირბილი, ხტომა, ბარიერების გადალახვა. მას უნდა შეეძლოს შეფის გვერდით ყოფნა დილის ვარჯიშის, ყოველდღიური საქმიანობის, მოგზაურობის, საქმიანი შეხვედრების დროს. სათანადო ფიზიკური მომზადების გარეშე ის ვერ შეძლებს შექმნილ სიტუაციაზე ადეკვატურ რეაგირებას.
ასევე უნდა შეეძლოს პირველადი სამედიცინო დახმარების გაწევა, ხელოვნური სუნთქვის და გულის მასაჟის ჩატარება.
საჭიროა, რომ პირადი მცველი გაერკვეს თქვენს საშინაო საქმეებში: გააჩნდეს აუცილებელი ინფორმაცია შეფზე და ოჯახის წევრებზე, ავადმყოფობაზე, წამლებზე, მკურნალ ექიმზე, ალერგიულ რეაქციებზე, გაკეთებულ აცრებზე და სხვა და სხვა უამრავ წვრილმანზე.
კომენტარი