“ჭკვიანი” დომოფონი

დომოფონი ერთ-ერთი ყველაზე მარტივი და ეფექტური მოწყობილობაა უსაფრთხოების სფეროში, რომლის მიზანი ბინის, ოფისის, სადარბაზოს ან სხვა ტერიტორიის დაცვაა უცხო პირთა ვანდალური შემოჭრისგან. დომოფონი დაშვების სისტემებში საკმაოდ პოპულარული მექანიზმია, მისი საშუალებით კარების გახსნის გარეშე შესაძლებელია შემომსვლელის იდენტიფიცირება, დალაპარაკება, შემოსვლისა და გასვლის გაკონტროლება. თუმცა მიუხედავად მთელი რიგი უპირატესობებისა, აუცილებელია გავითვალისწინოთ, რომ დომოფონსაც აქვს თავისი უარყოფითი მხარე.

წარმოვიდგინოთ სიტუაცია:

ქურდი შემთხვევითი შერჩევით აჭერს ხელს ღილაკებს თქვენი სადარბაზოს დომოფონზე და ეძებს თუ რომელი ბინიდან არ უპასუხებენ. თუ კი მსგავსს იპოვის, მაშინ რამოდენიმე დღის მანძილზე, ერთი და იგივე დროს გადაამოწმებს ხოლმე იგივე ბინას და თუ აღმოაჩენს, რომ ერთიდაიგივე დროს სადმე სისტემატიურად არ არის მეპატრონე, მაშინ თავისუფლად დაგეგმავს მის სახლში დაუპატიჟებელ ვიზიტს.

ფაქტი: სტატისტიკის მიხედვით ყველაზე მეტი ქურდობის შემთხვევა დაფიქსირებულია 10:00 AM – 15:00 PM შუალედში.

როგორ მოვიქცეთ?

ტექნოლოგიების განვითარებასთან ერთად იხვეწება დაცვითი სისტემებიც. თუ კი რამოდენიმე წლის წინ დომოფონს ჰქონდა პირობითად მხოლოდ ზარისა და კითხვა-პასუხის ფუნქცია, დღესდღეობით მათი შესაძლებლობები გაზრდილია.

ზევით მოყვანილ სიტუაციას თქვენ მარტივად აირიდებთ თავიდან თუ კი ისარგებლებთ დომოფინით, რომელიც ღილაკზე თითის დაჭერისას სიგნალს აგზავნის ჯერ ბინაში, ხოლო შემდეგ თუ პასუხს არავინ გასცემს, მობილურზე უკავშირდება მეპატრონეს. ამ უკანასკნელს კი შესაძლებლობა აქვს გაესაუბროს ტელეფონის საშუალებით კარებთან მომლოდინეს და დისტანციურად გადაწყვიტოს, შემოუშვებს სადარბაზოში მას თუ არა. შესაბამისად შემთხვევა, როდესაც დომოფონის ზარს არავინ პასუხობს, სრულიად გამოირიცხა.

თანამედროვე დომოფონებს შეუძლიათ დაცულ ტერიტორიაზე შემოსული ნებისმიერი სტუმრის იდენტიფიცირება მოახდინონ, ხოლო კომუნიკაციის მსგავსი საშუალება, დომოფონს უსაფრთხოების დაცვას ბევრად უმარტივებს.

თუ კი გადაწყვეტთ, რომ სადარბაზოს ან საკუთარი სახლის დაცვა დომოფონს ანდოთ გაითვალისწინეთ ფუნქციები, რომელიც სასურველია მას ჰქონდეს, რათა უზრუნველყოს თქვენი საკუთრების მაქსიმალური უსაფრთხოება:

  • გამოძახების პანელიდან ბინამდე ვიდეო-აუდიო კავშირი
  • კარების ავტომატური ჩამკეტი მოწყობილობის ჩართვის შესაძლებლობა
  • დაცვის და სახანძრო სიგნალიზაციების კომუტაცია და განგაშის გადაცემის შესაძლებლობა
  • გამოძახების პანელიდან საგანგაშო ღილაკის ჩართვის შესაძლებლობა
  • გამოძახების პანელიდან მობინადრებისთვის საგანგაშო, საგანგებო ინფორმაციების შეტყობინების შესაძლებლობა.
  • გამოძახების გარე პანელის ვიდეოკამერით ან სახეების მონიტორინგი და ამოცნობის შესაძლებლობა.

დაგვიკავშირდით ნომერზე: 2912755 | 599473399, ან მობრძანდით მისამართზე: შავიშვილის #7 და ჩვენი პროფესიონალი თანამშრომლები შეგარჩევინებენ თქვენს სურვილებსა და ბიუჯეტზე მაქსიმალურად მორგებულ დომოფონს.

გახსოვდეთ, რომ სწორად შერჩევის შემთხვევაში დომოფონი თქვენი საცხოვრებელი ადგილის უსაფრთხოების პირველი და ქმედითი ბარიერი გახდება.

 

კომენტარის დატოვება

Time limit is exhausted. Please reload CAPTCHA.