13 წელი უსაფრთხოების სფეროში

დაცვის სამსახური „მაგისტრი“ უკვე 13 წელია ოპერირებს საქართველოს ბაზარზე – 2009 წელს კომპანიამ ერთ-ერთა პირველმა მიიღო დაცვითი საქმიანობის ლიცენზია და მას შემდეგ სტაბილურად აგრძელებს განვითარებას.

დღესდღეობით „მაგისტრში“ უკვე 200-ზე მეტი პროფესიონალია დასაქმებული. ყოველი მათგანი შერჩეულია პრაქტიკული გამოცდილების, ფიზიკური მონაცემებისა და ინტელექტუალური შესაძლებლობების გათვალისწინებით. კომპანია მუდმივად ორიენტირებულია განვითარებაზე, თანამშრომლების კვალიფიკაციის ამაღლებასა და ტექნოლოგიურ დახვეწაზე. ამით კი „მაგისტრი“ ზრუნავს, რომ იყოს სტაბილურად ლიდერი დაცვის სამსახური საქართველოს ბაზარზე. კომპანია წარმატებით უზრუნველყოფს 600-ზე მეტი პიროვნებისა და საკუთრების უსაფრთხოებას  და ამაყობს, რომ 13 წლიანი პროფესიული გამოცდილების მანძილზე შეიძინა ძალიან ბევრი პარტნიორი მეგობარი, რომლებიც სრულიად ენდობიან „მაგისტრს“.

სამსახურის ძირითადი ხელმძღვანელი რგოლი წარმოდგენილია საქართველოს სახელმწიფო უშიშროების და შსს თადარიგის ოფიცრებისგან, რომელთაც გააჩნიათ უსაფრთხოების უზრუნველყოფის სფეროში მრავალწლიანი პრაქტიკული და თეორიული გამოცდილება.

„მაგისტრის“ სწორი მიმართულებით განვითარებას ადასტურებს დარგის ლიდერის წოდებაც, რომელიც კომპანიას 2016 წელს მიენიჭა ნაციონალური ბიზნეს-რეიტინგების კავშირის მიერ. ასევე დირექტორი ბატონი თორნიკე ჯოჯუა დაჯილდოვდა “წლის მმართველის” სტატუსით 2016 წელს თავდაუზოგავი შრომით მიღწეული პროგრესისა და  კომპანიის შესამჩნევი განვითარებისთვის.

2016_ge___award_lider_otrasli___preview

მაგისტრი-დარგის ლიდერი 2016

2017 წელს „მაგისტრი“ მიზნად ფიზიკური და ინფორმაციული უსაფრთხოების უახლესი ტიპის ინტელექტუალური და მოდულური სისტემების დანერგვა დაისახა კერძო და სახელმწიფო სექტორში.

შეარჩიეთ თქვენი და თქვენი ბიზნესის უსაფრთხოების უზრუნველსაყოფად დაცვის სამსახური „მაგისტრი“ და იყავით მშვიდად. ჩვენ 24/7-ზე ვიქნებით თქვენი უსაფრთხოების გარანტი!

 

მისია

ვუზრუნველყოთ ჩვენი პასუხისმგებლობის ქვეშ მყოფი ობიექტების უსაფრთხოება პროფესიული გამოცდილების, ინტელექტუალური შესაძლებლობებისა და  ტექნოლოგიური აღჭურვილობის სრული გამოყენებით. ვიყოთ მუდმივად განვითარებაზე ორიენტირებული კომპანია, რომელიც  სტაბილურად მაღალი ხარისხის სერვისს სთავაზობს დამკვეთს.

 

ჩვენი უპირატესობები

მაღალი სტანდარტების კომპანია სრული გარანტიით
  • ჩვენი კომპანია არის კლიენტზე ორიენტირებული კომპანია სრული სერვისებით
  • ჩვენი კომპანია ორიენტირებულია მომსახურების მაღალ სტანდარტზე
  • ნებისმიერი კლიენტის მიმართ ჩვენი განწყობა არის ისეთივე როგორც უნდა იყოს ერთადერთი კლიენტის მიმართ
  • ჩვენ ვუფრთხილდებით ჩვენი კლიენტის ინტერესებს და ბოლომდე ვიცავთ მას
ჩვენი უპირატესობები
  • პროფესიონალიზმი
  • დაცვითი საქმიანობის 13 წლიანი გამოცდილება
  • ხელშეკრულების პირობების და მოთხოვნების უმკაცრესი შესრულება
  • გარანტირებული მატერიალური პასუხისმგებლობა
  • შეკვეთის შესრულება 24 საათში
  • უპროცენტო განვადება
  • სეზონური მომსახურება
სრული მატერიალური გარანტია
  • თქვენი ქონება სრულად იქნება დაცული ყოველგვარი გამონაკლისის გარეშე. ჩვენ ხელშეკრულებით უზრუნველვყოფთ მატერიალური ზარალის ანაზღაურებას იმ პერიოდზეც, რომელიც გათვალისწინებულია ობიექტზე მისასვლელად.
  • ჩვენი პარტნიორი სადაზღვევო კომპანიები თქვენს ქონებას ქურდობის გარდა სხვა რისკებისგანაც დააზღვევენ სპეციალური შეღავათიანი ტარიფებით
განგაშზე რეაგირების მინიმალური დრო და პროფესიონალიზმი
  • სწრაფი რეგირების ჯგუფების რაოდენობა და დისლოკაცია უზრუნველყოფს პროფესიონალური ჯგუფების ობიექტზე გამოცხადებას უმოკლეს დროში
მაღალი საიმედოობა და გარანტია
  • 5 წლიანი სრული გარანტია ტექნიკურ მოწყობილობებზე
სადღეღამისო ტექნიკური მომსახურება
  • სისტემის მონტაჟი 24 საათში. ტექნიკური სამსახური ფუნქციონირებს 24 საათიან, სადღეღამისო რეჟიმში.
  • აპარატურის მოდერნიზაცია და შეკეთება 48 საათიან რეჟიმში
დამატებითი უფასო სერვისები

  • sms სერვისები შეუზღუდავი რაოდენობის აბონენტებზე
  • პერსონალის გაცილება და ტრანსპორტირება ღამის საათებში ოპერატიული ჯგუფის მიერ
საუკეთესო პირობები პორტირებისთვის
  • უფასო 2-თვიანი მომსახურება
  • სისტემის განახლება-მოდერნიზაცია უფასოდ
  • საჩუქრად სახანძრო დეტექტორი, დომოფონი, საგანგაშო მობილური ტელეფონი, CO დეტექტორიდა სხვა.
შეადარეთ სხვა კომპანიის პირობებს და დარწმუნდებით რომ 'მაგისტრის' შეთავაზება საუკეთესოა.
თუ თქვენ გაქვთ საინტერესო და ორიგინალური იდეა უსაფრთხოების უზრუნველყოფისთვის გვაცნობეთ და ჩვენ მას აუცილებლად დავნერგავთ. ნუ დაკარგავთ დროს, მოგვაწოდეთ თქვენი იდეა და მიიღეთ სპეციალური პრიზი-ერთ წლიანი უფასო მომსახურება!

სამსახურს გააჩნია

  • კეთილმოწყობილი ოფისი
  • ტექნიკური საცდელი ლაბორატორია
  • საქართველოს კომუნიკაციების ეროვნული კომისიის მიერ გაცემული რადიოსიხშირული სპექტრებით სარგებლობის ნებართვა
  • სპეციალური ატრიბუტიკით  აღჭურვილი და გაფორმებული ავტომანქანების პარკი
  • სწრაფი რეაგირების და გაცილების ჯგუფები
  • უპილოტო მფრინავი საშუალებები
  • პორტატული, საავტომობილო და სტაციონარული რადიოსადგურები, კავშირის სხვა საშუალებები
  • დამტკიცებული ნიმუშის შესაბამისი სეზონური ტანსაცმელი
  • კანონით დაშვებული და ნებადართული აღჭურვილობა სრულად

2015 წლის 13-15 მაისს ქ. თბილისში ჩატარებული ევროპის რეკონსტრუქციისა და განვითარების ბანკის შეხვედრა-ბიზნეს ფორუმის ჩატარების საორგანიზაციო მხარე, მათ შორის უსაფრთხოება, საქართველოს პრემიერ-მინისტრის და ევროპის რეკონსტრუქციის და განვითარების ბანკის პრეზიდენტის მიერ შეფასებულ იქნა უმაღლეს დონეზე და გამოგვეცხადა მადლობა წერილობით.

ზედიზედ 2013 და 2014 წ ქ. ნიუ-იორკში გამართულ საერთაშორისო სამიტებზე შპს “მაგისტრი”  დაჯილდოვდა ხარისხის ოქროს ჯილდოთი.

მაგისტრის ეთიკის კოდექსი

შპს „მაგისტრი“-ს მცველის ეთიკის კოდექსი

დაცვის სამსახური «მაგისტრი», დაფუძნებულია რა ქართველი ერის სამართლებრივი მემკვიდრეობის საფუძველზე, კონსტიტუციის პრინციპებზე  და  საქართველოს „მეწარმეთა შესახებ კანონი“-ს, საქართველოს კანონის – კერძო დაცვითი საქმიანობის შესახებ,  წინამდებარე კოდექსით აღიარებს კაცობრიობის ძირითადი ჰუმანური და ეთიკური ღირებულებებისადმი საკუთარ ერთგულებას.

დაცვის სამსახური «მაგისტრი», მოქმედებს რა სოციალური და სამართლებრივი სახელმწიფოს ფარგლებში, მხარს უჭერს ადამიანის საყოველთაოდ  აღიარებული უფლებებსა და თავისუფლებებს,  იღებს ვალდებულებას განუხრელად დაიცვას წინამდებარე კოდექსში ჩამოყალიბებული პრინციპები, იმის გათვალისწინებით, რომ:

საქართველო არის დემოკრატიული სახელმწიფო, რომელიც აღიარებს კანონის უზენაესობის პრინციპს;

დაცვის სამსახური «მაგისტრი» წარმოადგენს კერძო დაცვით ორგანიზაციას, რომელიც კანონის განუხრელი დაცვით, ლიცენზიის ფარგლებში, საქართველოს კანონმდებლობით და მის მიერ გაფორმებული ხელშეკრულებით მინიჭებული უფლებამოსილების ფარგლებში  უზრუნველყოფს ადამიანის სიცოცხლისა და ჯანმრთელობის, უძრავი ან მოძრავი ნივთის (მათ შორის, მოძრავი ნივთის ტრანსპორტირების, ) აგრეთვე ცალკეული ღონიძიების უსაფრთხოების უზრუნველყოფასა და დაცვას; ატარებს ღონისძიებების ერთობლიობას, რომელიც მიმართულია დაცვის ობიექტის შესაძლო ხელყოფის საფრთხეების აღმოჩენისა და აღმოფხვრისაკენ;

კანონის უზენაესობის პრინციპი  დაცვის სამსახურ «მაგისტრი»-ს საქმიანობის ძირითადი საფუძველია;

დაცვის სამსახური «მაგისტრი», როგორც საზოგადოებრივი წესრიგის სამსახურში მდგომი ორგანო, ანგარიშვალდებულია მის წინაშე.

დაცვის სამსახური „მაგისტრი» განუხრელად ზრუნავს იმისათვის, რომ მცველმა საკუთარი პროფესიონალიზმი შეუთავსოს ეთიკურობას, რაც წინაპირობა გახდება „მაგისტრი“-ს, როგორც დაცვის სამსახურის მიმართ საზოგადოებაში ავტორიტეტისა და ნდობის  განმტკიცებისა.

ასევე, ამ კოდექსით დეკლარირებული პრინციპების განუხრელმა დაცვამ ხელი უნდა შეუწყოს საზოგადოების მხრიდან დაცვის სამსახურებისადმი ნდობის განმტკიცებას, მისი ავტორიტეტისა და პრესტიჟის ამაღლებას.

ღირსეული სამსახურისადმი კუთვნილების გაცნობიერება თითოეულ თანამშრომელში სიამაყის და პროფესიული ღირსების განცდის საწინდარია.

კოდექსის ამოცანაა დაცვის სამსახურ „მაგისტრი“-ს თანამშრომელში პროფესიული ეთიკის ნორმებისადმი ერთგულებისა და სამსახურებრივი მოვალეობების მიმართ პირადი პასუხისმგებლობის გრძნობის გაღრმავება.

დაცვის სამსახურ «მაგისტრი»-ს ეთიკის კოდექსის მოქმედება ვრცელდება დაცვის სამსახურ „მაგისტრში“ დასაქმებულ ყველა თანამშრომელზე და  ვალდებულია დაიცვას აღნიშნული კოდექსი არა მხოლოდ სამსახურში, არამედ სამსახურს გარეთაც:

მცველის საქმიანობის პრინციპები

მცველი ყოველდღიურ საქმიანობაში განუხრელად იცავს ეთიკის კოდექსით დადგენილ კანონიერების, ჰუმანურობის, კეთილსინდისიერების, ადამიანის ძირითადი უფლებებისა და თავისუფლებების პატივისცემის პრინციპებს.

      • მცველი, რომელიც საქმიანობს „საქართველოს კანონის კერძო დაცვითი საქმიანობის შესახებ“ შესაბამისად, პირველ რიგში, ემორჩილება და პატივს სცემს მას. საკუთარი მოქმედების დაწყების წინ ყოველთვის უნდა დარწმუნდეს მის კანონიერებაში.
      • მცველი უნდა იყოს ყურადღებიანი, თავდაჭერილი, და კანონთან ერთად ხელმძღვანელობდეს ზნეობრივი ნორმებით.
      • «მაგისტრი»-ს მცველმა პატივი უნდა სცეს ადამიანის უფლებებსა და ძირითად თავისუფლებებს.
      • მცველმა პატივი უნდა სცეს ადამიანის უფლებებსა და ძირითად თავისუფლებებს, როგორებიცაა:
      • საკუთრების უფლება;
      • ღირსების პატივისცემა;
      • სიცოცხლის უფლება;
      • თავისუფლებისა და უსაფრთხოების უფლება;
      • პირადი ცხოვრების ხელშეუხებლობის უფლება;
      • «მაგისტრი»-ს მცველმა პატივი უნდა სცეს ყველა ადამიანის პიროვნულ ღირსებას მიუხედავად  რასობრივი თუ ეროვნული კუთვნილებისა, ენისა, სქესისა, ასაკისა, რელიგიური აღმსარებლობისა, პოლიტიკური თუ სხვა შეხედულებებისა, ქონებრივი და წოდებრივი მდგომარეობისა, სოციალური კუთვნილებისა, წარმომავლობისა, განათლებისა, ან სხვა სახის პირადი მდგომარეობისა ან/და სექსუალური ორიენტაციისა.

მცველის ქცევის ზოგადი წესები

      • მცველი სამსახურებრივი მოვალეობების შესრულებისას უნდა იყოს მოწესრიგებული და ტანსაცმლის დამტკიცებული ნიმუშის შესაბამისად ჩაცმული. მცველი ვალდებულია, სამსახურებრივი მოვალეობის შესრულებისას სამუშაო დრო გაანაწილოს რაციონალურად და სრულყოფილად შეასრულოს დაკისრებული ვალდებულება.
      • 3. მცველი ვალდებულია არ გაახმაუროს მისთვის ცნობილი კონფიდენციალური ინფორმაცია, პირადი მონაცემები, რომლის გამჟღავნებამ შეიძლება გამოიწვიოს მესამე პირთა ინტერესის შელახვა.
      • „მაგისტრის“ მცველს ეკრძალება სამორინეში და სათამაშო აპარატების სალონში შესვლა, გარდა სამსახურებრივი მოვალეობის შესრულების შემთხვევებისა. უნიფორმაში მყოფ მცველს ასევე ეკრძალება ისეთ გარემოში ყოფნა (ალკოჰოლური სასმელების გასაღებისა და მოხმარების ადგილები, ზოგიერთი ტიპის გასართობი ობიექტები და ა.შ.), რომლებიც მცველის პროფესიისთვის შეუფერებელია.
      • «მაგისტრი»-ს თითოეულმა მცველმა უშუალოდ მასზე დაკისრებული სამსახურებრივი მოვალეობები უნდა შეასრულოს პატიოსნად და კანონის მოთხოვნების შესაბამისად.
      • «მაგისტრი»-ს მცველმა უნდა მოახდინოს რეაგირება კოლეგის მხრიდან ეთიკის კოდექსის დარღვევაზე. მცველი შეურიგებელი უნდა იყოს ასეთი გამოვლინებისადმი და ამის შესახებ მოახსენოს ზემდგომ თანამდებობის პირებს.
      • «მაგისტრი»-ს მცველმა უარი უნდა თქვას ნებისმიერი სახის უკანონო შემოთავაზებაზე და არ უნდა გამოიყენოს სამსახურებრივი მდგომარეობა სოციალურ-ეკონომიკური ან სხვა სახის სარგებლის მისაღებად.
      • „მაგისტრი“-ს მცველმა ბოროტად არ უნდა ისარგებლოს სამსახურებრივი ინფორმაციით და პირადი მონაცემებით საკუთარი ან/და ახლობელ პირთა კერძო ინტერესების დაკმაყოფილებისთვის.
      • მცველი ვალდებულია, ურთიერთობაში იყოს ტაქტიანი, თავაზიანი და კეთილგანწყობილი.
      • მოქალაქისადმი წაყენებული მოთხოვნები თუ შენიშვნები გამოთქვას მშვიდი, ზრდილობიანი და დამაჯერებელი ფორმით. მცველისგან დაუშვებელია ქედმაღლური მიმართვა, მუქარა, ირონია, ჟარგონის გამოყენება და ფამილარული ტონით საუბარი. ყველა სიტუაციაში და ნებისმიერ ადამიანთან ურთიერთობისას, როგორც სამუშაო, ასევე არასამუშაო დროს, აუცილებელია ქცევის ეთიკური ნორმების დაცვა.
      • სამსახურებრივი მოვალეობების შესრულებისას, მოქალაქესთან ურთიერთობის დროს «მაგისტრის» მცველს ეკრძალება: სიგარეტის მოწევა, საღეჭი რეზინის ღეჭვა, მობილურზე საუბარი, მანქანიდან საუბარი და მოუწესრიგებელ მდგომარეობაში ყოფნა.

კოლეგებთან ურთიერთობა

      • «მაგისტრი»-ს მცველი კოლეგებთან ურთიერთობისას უნდა იყოს კორექტული. დაუშვებელია პირადი დამოკიდებულების სამსახურისათვის მიუღებელი ფორმით გამოხატვა.
      • სამსახურებრივი ურთიერთობისას მცველმა თავი უნდა შეიკავონ ფამილარული ურთიერთობებისგან.
      • «მაგისტრი»-ს მცველმა კოლეგებს გულახდილად უნდა მიაწოდოს აუცილებელი პროფესიული ინფორმაცია და გაუწიოს მათ დახმარება. იმავდროულად, მცველი უნდა იყოს შეურიგებელი კოლეგის მიერ დაშვებული დისციპლინარული დარღვევების მიმართ.

ეთიკის კოდექსით განსაზღვრული ნორმების დარღვევა იწვევს დისციპლინარულ პასუხისმგებლობას

ჩვენი გუნდი

    ჩვენი ფოტოგალერეა